FIN DE CELEBRACIÓN

Hoxe como fin de celebración do Día das Letras Galegas, á última hora da mañá, saímos ao patio do cole todos os nenos e nenas para ver voar un globo aerostático conmemorativo. Foi unha experiencia distinta e témoslle que dar as grazas ao señor Enrique pola súa colaboración e o seu traballo.

SEMANA DAS LETRAS GALEGAS

Xa faltan moi poucos días para que se celebre o día das letras galegas. O 17 de maio é o Día das Letras Galegas, día no que se ten unha grande importancia todos os libros que están escritos en lingua galega, e polo tanto, os escritores que utilizan o galego para escribir. A primeira vez que se celebrou foi no ano 1963, data na que se cumplían 100 anos da publicación de Cantares Galegos, escrito por Rosalía de Castro. Grazas a ela celebramos este día.

Cada ano este día vai adicado a un escritor ou escritora, e no ano 2009 o homenaxeado é Ramón Piñeiro.


Naceu en Lugo en 1915 e finou en 1990. Foi o primeiro presidente do Consello da Cultura Galega. Entre as súas obras destacan: Lembrando a Castelao, Filosofía da saudade, entre outras.
Se queredes saber máis cousas visitade o seguinte enlace: letras galegas 2009 e tamén o seguinte blog .


Nós, en ANACOS DE SOL, ímolo celebrar ao grande. Para iso escollemos unha serie de libros escritos en galego. Somos escritores e ilustradores dos contos que lemos en cada unha das clases. Estas son as portadas dos contos. Se queredes saber máis visitade cada un dos blog de Educación Infantil.

AS LETRAS GALEGAS NO NOSO COLE

Coma todos os anos o Equipo de Normalización Lingüística do noso cole propón un tema para traballar o Día das Letras Galegas. No 2009 o tema escollido foi algo moi representativo do noso entorno e coñecido por todos: O alfombrado paso a paso. Nós neste caso somos os autores do título que ilustra toda a exposición. Que mellor que mostrar unha foto para demostrar que é un traballo do que nos sentimos moi satisfeitos.



Mostra os distintos pasos que se seguen para a elaboración das alfombras de cores, nas que é necesario o traballo en común de moita xente.

SEMANA PREVIA

á celebración das letras galegas estamos coa semana de cine en galego. De que se trata? a actividade consiste en ofrecerlle aos nenos e nenas a proxección dunha película en galego. A película escollida este ano foi PÉREZ, O RATIÑO DOS TEUS SOÑOS.
A nosa sala de cine está na biblioteca do cole. Onte foron os de cinco anos, hoxe os de 4 anos e mañá os de 3.








Por certo, este é Pérez o protagonista da nosa película.

MOI INTERESANTE

Á primavera de anacos de sol chegan de visita uns animaliños moi pequerechos. Si, eses pequenos seres que coa chegada da calor corretean e voan polos parques, xardín e que tamén nos veñen facer unha visita ao cole, ao noso patio... Fixádevos ben, seguro que algún atopades.
Mentras continuades a búsqueda aquí tedes unha nova versión do patito feo. Chámase o caracol feo, pero xa veredes que ao final non ten nada, nada, de feo. Despois falamos.